MASMUR 149:3 - BIBEL JAMITA NA DENGGAN

³ Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 149:3 Referans Kwoze

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

MASMUR 81:2

Palu ma tambor, marende ma tangging piltik ma gambus dohot hasapi na mandonting.

HARURUAR 15:20

Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

2 SAMUEL 6:16

Dompak na maroban Poti i masuk ma tu bagasan kota i, manungkir ma si Mikal boru ni si Saul i sian jandela, diida ia ma Raja Daud marhujingjang dohot manortori laho pasangapkon Tuhan, jana gigi ma roha ni si Mikal mida si Daud.

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

HAKIM-HAKIM 11:34

Di na mulak si Jefta tu Mispa, ro ma borunia mangalo-alo ia manortor lalu mamake rapano. Sasada i do dakdanaknia.

MASMUR 33:2

Dok ma tarimakasi tu Tuhan mardongan hasapi, marende ma diSia mardongan sora ni musik.

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

1 JUJUR TAON 16:42

Laing si Heman muse do dohot si Jedutun dibaen mangurus sarune, simbal dohot alat musik na asing laho pariburkon angka ende puji-pujian. Angka dongan sahorong ni si Jedutun na deba nari, markarejo ma i laho manjago pintu horbangan.

2 JUJUR TAON 29:25

Hombar tu panogu-noguon na nilehen ni Tuhan tu si Daud marhite si Gad, panurirangNia dohot Panurirang Natan, dibaen raja i ma halak Levi di Bagas Ni Debata laho mamiltik hasapi dohot gambus,

1 JUJUR TAON 25:6

Sudena anak ni si Heman i parmusik simbal do, parhasapi dohot pargambus, na nipimpin ni amang ni halahi laho mangihutkon upacara ni ibadat di Bagas Ni Debata. Dijagit si Asap, si Jedutun dohot si Heman do sian raja mardomu tu karejo nasida.

2 JUJUR TAON 20:28

Di na lalu di kota i, marbaris ma halahi tu Bagas Ni Debata diihutkon sora ni hasapi dohot sarune.

MASMUR 81:3

Ombus ma sarune di ari pestanta, di pesta bulan baru dohot bulan tula.

MASMUR 87:7

Manortori ma halahi jana marendei, “Di Sion do dapot mual ni pasupasu di hami!”

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.