MASMUR 147:5 - BIBEL JAMITA NA DENGGAN

⁵ Na godang ma da Tuhanta jana na sumurung habisuhonNia nada tarsuhat.

MASMUR 147:5 Referans Kwoze

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

MASMUR 96:4

Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

NAHUM 1:3

Nada mopop muruk ni Tuhan; lobi do kuaso diSia jadi sanga ise na marsala nada dipalua Ia sian uhumanNia. Sanga na di dia Tuhan mardalan, disi do ro halingsungsung; jana abuan ni patNia do ombun.

MASMUR 48:1

Na godang do Tuhan jana na tarpuji situtu di Kota Ni Debatanta, di dolokNia na badia.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

JEREMIA 10:6

Nada adong tudosanMu, ale Tuhan! Sangap jana marsahala do goarMu.

1 JUJUR TAON 16:25

Sipuji-pujion do hagodangan ni Tuhan. Manyalpui sude debata patut do nisangap Tuhan.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

MASMUR 99:2

Na markuaso situtu do Tuhan di Sion, diatasi Ia sandok bangso.

MASMUR 135:5

Huboto do tangkas, na santak godang do Tuhanta diatasi Ia do sandok debata.

JOB 36:5

Na gogo do anggo Debata! Sasudena do disalpui Ia. Sahalak pe nada adong bile diidasa.

JEREMIA 10:7

Ise ma he na so mabiar marnida Ho, ale Raja ni sandok bangso? Tutu ma da, Ho do na patut sipujion jana na patut pasangapon. Sian sandok na pistar di tonga-tonga ni angka bangso dohot sian sude angka raja ni halahi, sahalak pe nada adong martudosan tu diriMu ale Tuhan.

DANIEL 2:20

Dung i ro ma alus ni si Daniel, ning ia ma: “Pinuji ma goar ni Debata salolot ni lolotna, angke sian Ia do hapistaran dohot hagogoon!