MASMUR 147:2 - BIBEL JAMITA NA DENGGAN

² Mulak ma suang Jerusalem baenon ni Tuhan, obanonNia noma mulak angka halak na tarbuang.

MASMUR 147:2 Referans Kwoze

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

PANGARATAION 30:3

jadi gabe ibo ma roha ni Tuhan Debatamunu i mida hamu. ObanonNia ma hamu mangulahi sian angka bangso inganan parserahanmunu i, jana baenonNia ma hamu maduma mangulahi.

JEHESKIEL 38:8

Sanga na piga taon nari suruonKu ma ia laho mamorangi sada luat na diingani ni halak na dipalagut mangulahi sian tonga-tonga ni bahat bangso jana maringanan muse di luat i di bagasan sonang. Inganan ni si Gog ma angka dolok ni Israel na dung honok mangalungun jana gok tapor-tapor, tapi saonnari na niingani ni rayat na mangolu di bagasan dame.

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

JESAYA 62:7

Angkon torus do halahi mangido ulang padiar Ia maradian sampe dibangun Ia Jerusalem, jana anso gabe kota na godang di sandok portibi.

JESAYA 14:32

Aha ma ulaning alusta tu angka suruan na ro i sian Pilistin? Tadok ma tu halahi bahaso na dung dipauli Tuhan, Sion jana disi ma dapotan pangondian bangsoNia na marhancit.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

NEHEMIA 7:4

Bidang do kota Jerusalem, tapi hum saotik do anggo halak na manginganisa, jana bagas pe nada sadia dope dibangun.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

NEHEMIA 6:15

Lima pulu dua ari honokna na padenggan tembok i jana sidung ma di tanggal dua pulu lima bulan Elul.

NEHEMIA 6:16

Dung tarbege pangalaho i tu angka musunami sian tonga-tonga ni angka bangso na humaliang i, mabiar ma halahi martilako, angke sude do halak umbotosa bahaso na niurupan ni Debata do karejo i dipatulus.

MASMUR 102:17

TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

JEREMIA 31:10

Didok Tuhan do, “Tangihon hamu ma ale angka bangso! Palalu ma tonangKu tu bariba ni laut: BangsongKu na dung Hupaserakkon giot palagutonKu jana pasari-sarionKu songon parmahan na manjago biri-birina.

MIKA 4:6

Didok Tuhan ma, “Dapot do i muse hatihana palagutonKu angka jolma na Huuhumi i, i ma angka na markancit di habuangan i.

ZAKARIA 8:7

Songon on do hata ni Tuhan Na Markuaso, “Ligi ma, paluaonKu ma bangsongKi sian tano Habincaran dohot sian tano Hasundutan ni mata di ari,