MASMUR 147:13 - BIBEL JAMITA NA DENGGAN

¹³ Dipatogu Ia do angka pintu ni horbanganmunu, jana dipasupasu Ia halak na manginganisa.

MASMUR 147:13 Referans Kwoze

MASMUR 144:12

Sai simbur magodang ma angka anakta di haposoonna, songon hayu na mur pir jana margogo. Sai majogi nian angka borunta songon tiang na jeges, na manghiasi angka suhi ni bagas godang.

MASMUR 125:2

Songon angka dolok na mangondingi Jerusalem, songon i ma pangondingi ni Tuhan di bangsoNa, saonnari ro di salolot-lolotna.

NEHEMIA 12:30

Mangias diri ma angka malim dohot angka halak Levi i di diri ni halahi sandiri, di rayat i, di angka pintu horbangan dohot tembok ni kota.

NEHEMIA 7:1

Dung sidung tembok i dibangun, husuru ma anso dipasang angka pintuna i. Jadi husuru ma angka panjago pintu horbangan, angka parende dohot angka halak Levi marsikarejohon karejona be.

ANDUNG 4:12

Nada adong na porsaya sian tonga-tonga ni angka raja dohot halak na saportibi bahaso na bolas masuhan ni musu do angka horbangan ni kota Jerusalem.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

NEHEMIA 7:3

Hudok ma tu halahi, “Anggo Pintu Horbangan ni Jerusalem angkon jolo torang do ari anso tola bukaon jana angkon tutupon jana dipalang painte so abis karejo ni panjago andospotang. Tamba ni i, angkon ditodo do piket ni panjago sian tonga-tonga ni halak Jerusalem, deba ma i di angka pos manjago jana na deba nari ma i mangaronda di humaliang ni bagas ni halahi.”

NEHEMIA 6:1

Tarbege ma tu si Sanbalat, si Tobia, si Gesem halak Arab i dohot angka musunami na asing i na dung sidung hami padenggankon tembok i jana na dung martutup sude lubangna i, haru pe na so hami pasang dope di hatiha i angka bulung ni pintuna di angka pintu horbangan ni kota i.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”