MASMUR 146:7 - BIBEL JAMITA NA DENGGAN

⁷ Dilehen Ia do hatigoran tu halak na hona sosak, jana na mangalehen sipanganon tu halak na male. Dipalua Tuhan do angka na tarhurung,

MASMUR 146:7 Referans Kwoze

MASMUR 103:6

Didalankon Tuhan uhum dohot hatigoran tu sude halak na didondonan.

MASMUR 68:6

Dilehen Ia do inganan di halak na tarpunjung dilehen Ia haluaan dohot hatuaan di halak na tarhurung. Hape anggo halak na mangalo Tuhan, angkon maringanan do di tano na harsang.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

MASMUR 10:18

Ho do na manangihon jana mangurupi na so marama jana na diparkanciti, ulang adong be jolma di portibi na puluk manjahati tu halahi.

MASMUR 142:7

Palua ma au sian hurungan, anso tarbaen au dohot mamuji goarMu, muda hatiha rap marlagut bangsoMu, angke denggan do na nibaenMu tu au.

BAENON NI ANGKA RASUL 16:26

Jadi tompu ma ro lalo na lobi gogo, jabat humutur dohot ojahan ni hurungan i. Marbuka ma sude pintu ni hurungan i jana martaldusan muse ma angka rante ni na tarhurung i sude.

BAENON NI ANGKA RASUL 5:19

Tapi bornginna i ro ma sahalak surusuruan ni Tuhan mambuka angka pintu ni hurungan i, dioban ia ma angka rasul i tu ruar. Didok surusuruan i ma tu angka rasul i,

LUKAS 9:17

Mangan ma halahi sude lopus butong be. Dung i dipalagut angka siseanNia i ma teba-teba na nitinggalkon ni halak na bahat i. Bubung ma dua bolas ampang sude.

LUKAS 1:53

Dipabutong Ia angka halak na male marhite angka na denggan, tapi anggo halak na kayo dipaorot Ia mardongan tangan na rumar.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

JEREMIA 31:14

PapuasonKu ma angka malim dohot panganon na marlobi-lobi; jana lehenonKu sude haporluan ni bangsongKu. Au Tuhan, Au do na mandok songon i.”

JESAYA 9:4

Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.

MASMUR 136:25

Ganop mahluk na mangolu dilehen Ia mangan, hot do holong ni rohaNia sapanjangna.

MASMUR 72:4

Sai diondihon raja ma nian hak ni rayat na pogos, diurupi raja ma halak na pogos jana ditaluhon angka na pangkilang.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

MASMUR 35:10

Sian sandok rohangku hudok hatangku, “Tuhan, nada adong da tudosanMu! Diondihon Ho do na gale sian na gogo na pogos dohot na marhancit sian na manyosaksa.”

MASMUR 68:7

Di na nitoguMu bangsoMu, ale Debata, mardalan mamolus padang na hiang,