MASMUR 143:8 - BIBEL JAMITA NA DENGGAN

⁸ Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

MASMUR 143:8 Referans Kwoze

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

MASMUR 46:5

Disi do mian Debata, jana indangkan na ra sego kota i, dilehen Ia do pangurupion di habibincar ni mataniari.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

JESAYA 30:21

Muda manyimbil hamu sian dalan, tarbege do i sian pudimunu soraNia na mandok, “On do dalan i; dalan on ma bolus hamu.”

MASMUR 59:16

Tapi anggo au huendehon do hagogoanMu; ganop manyogot huendehon do holong ni rohaMu na manongtong i. Angke Ho do inganan pangungsianku, inganan parondingan di au di hamamasa ni susa.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

MASMUR 90:14

Duruskon ma holong ni rohaMu tu hami ganop manyogot, anso marjop ni roha hami jana marende salolot hami mangolu.

ANDUNG 3:41

Beta ma taungkap rohanta jana martangiang tu Debatanta di banua ginjang,

MASMUR 86:4

O Tuhan, pajop ma roha ni naposoMu, tu Ho do huadopkon tangiangku.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 119:34

Baen ma au mangarti di TonaMi, anso huoloi, jana hudalankon sian sandok rohangku.

MASMUR 119:73

Ho do na manjadihon dohot na manompa au lehen ma di au parbinotoan laho mangastui angka parentaMu.

MASMUR 42:8

Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.

MASMUR 5:8

Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

HAKIM-HAKIM 13:12

Jadi disapai si Manoah ma, “Muda tarjadi songon na nidok ni tuan i sanoli on, angkon aha do sibaenon ni dakdanak i? Bia do ngolunia sanoli on?”

MASMUR 25:20

Jagohon ma au ulang jabat ditaluhon, tu Ho do au ro mangido pangondian.