MASMUR 143:7 - BIBEL JAMITA NA DENGGAN

⁷ Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 143:7 Referans Kwoze

MASMUR 69:17

Ulang Ho martabuni tu au, naposoMon, susa do au, ompoti ma mangurupi au.

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 27:9

Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 71:12

Ulang Ho mandao sian au, ale Debata, Debatangku, manigor urupi ma au.

JESAYA 38:18

Angke nada adong na mandok tarimakasi sian inganan ni na mate tu Ho, hamatean nada bisa mamuji Ho; angka jolma na giot tu kuburan inda dipainte be hasetiaonMu.

MASMUR 102:2

Ulang marbalik Ho sian au muda di bagasan hasusaan au. Tangihon ma muda pio-pio au, manigor ma alusi au.

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

LUKAS 21:26

Jadi tarkatos ma jolma manusia hara ni na mabiar painte-intehon sanga aha na giot tarjadi di portibi on sude. Angke gabe humutur ma sude angka hagogoon na di langit.

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

MASMUR 70:5

Gale do au on jana pogos; ale Debata, ro ma da Ho manigor. Ho do pangurupi dohot sipalua di au, manigor ro ma da Ho, ale Tuhan.

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 84:2

Sai na malungun situtu do rohangku mida ingananMu; sai marsurak do pamatang dohot tondingku pio-pio tu Debata na mangolu.

MASMUR 69:18

Ro ma Ho paluahon au, palua ma au sian angka musungku.

PODA 13:12

Pahancitkon roha do arop ni roha na sundat, tapi jop do roha muda tulus arop ni roha.