MASMUR 143:2 - BIBEL JAMITA NA DENGGAN

² NaposoMu do au on, ulang ma timbang parkarongku, angke nada adong halak na so marsala di adopanMu.

MASMUR 143:2 Referans Kwoze

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

1 JOHANNES 1:10

Muda tadokkon na so mangkarejohon dosa hita, gabe Ia do na tabaen pargabus jana nada adong hataNia di bagasan hita.

GALATIA 2:16

Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

JOB 14:3

Ale Debata, ra ma he Ho manatap au, jana paadop au tu paruhumanMu!

JOB 15:14

Tarbaen ma he lakna jolma ias sian sala? Tarpatigor ma he jolma di adopan ni Debata?

JOB 4:17

‘Tarbaen ma he jolma na so sala anggo di adopan ni Debata? Tarbaen ma he na so martihas ia di mata ni na manompasa?

1 RAJA-RAJA 8:46

“Muda mardosa bangsoMi tu Ho, sian sahalak pe nada adong na so mardosa, hara ni murukMu gabe dipadiar Ho ditaluhon musu halahi, jana dioban halahi gabe taban-taban tu luat na dao sanga na donok.”

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”