MASMUR 142:7 - BIBEL JAMITA NA DENGGAN

⁷ Palua ma au sian hurungan, anso tarbaen au dohot mamuji goarMu, muda hatiha rap marlagut bangsoMu, angke denggan do na nibaenMu tu au.

MASMUR 142:7 Referans Kwoze

MASMUR 143:11

Palua ma au hombar tu janjiMu, ale Tuhan, hara ni denggan ni basaMu, palua ma au sian hasusaan.

MASMUR 146:7

Dilehen Ia do hatigoran tu halak na hona sosak, jana na mangalehen sipanganon tu halak na male. Dipalua Tuhan do angka na tarhurung,

MASMUR 13:6

Marende ma au di Ho, Tuhan, angke dibaen Ho tu au na denggan.

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

MASMUR 142:1

Pio-pio do au tu Tuhan, tuSia do au mangido partolongan.

MASMUR 119:17

Mardenggan basa ma Ho tu au naposoMon, anso laing mangolu au jana mangoloi pangajaranMu.

MASMUR 116:7

Sonang ma ho, ale rohangku, angke burju do Tuhan tu au.

MASMUR 119:74

Angka na mabiar mida Ho sonang rohana muda diidasa au, angke marpos ni roha tu janjiMu do au.

MASMUR 34:2

Sai giot marmoga-moga do au hara ni karejoNia, anso nian dibege halak na hona sosak i jana marjop roha.

MASMUR 31:8

Nada dipadiar Ho au ditangkup musungku, tapi dijagohon Ho do au gabe sonang.

MASMUR 9:3

Di joloMu angka musungku marbalik jana kehe, tinggang halahi tartuktuk lalu mate.

MASMUR 38:20

Hajahatan do dibaen halahi balos ni hadengganan, jana dimusu halahi au, hara ni na huparayak na denggan.

MASMUR 143:9

Ro do au tu Ho giot maronding-onding, ale Tuhan, palua ma au sian angka musungku.