MASMUR 141:5 - BIBEL JAMITA NA DENGGAN

⁵ Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

MASMUR 141:5 Referans Kwoze

PARJAMITA 7:5

Gumonan do digorahon halak na marsinaloan umpado mambege ende ni halak na oto.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

PODA 25:12

Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PODA 19:25

Muda niuhum halak na sombong, disi pe halak na so marpangalaman i dapot pangajaran. Muda niajar halak na marroha, gabe dapotan ia parbinotoan.

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

PODA 6:23

Angke songon palito do poda i; jana dalan hangoluan sipaingotna.

MASMUR 125:4

Ale Tuhan baen ma na denggan tu halak na burju, tu halak parroha na bulus.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

MATEUS 5:44

Tapi saonnari Au mandok di hamu: Haholongi ma alomu jana tangiangkon ma halak na mamparkanciti ho,

PODA 15:22

Jagit ma sipaingot olat ni na tolap, anso gabe karejomu, muda inda songon i nada manjadi karejomu.

HAMALIMON 19:17

Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia.

PODA 12:1

Sanga ise na mangkaholongi poda, holong do rohania diparbinotoan; tapi sanga ise na margoyak ni roha di sipaingot, na bodo do i.