MASMUR 141:4 - BIBEL JAMITA NA DENGGAN

⁴ Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

MASMUR 141:4 Referans Kwoze

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

MASMUR 119:36

Lehen ma di au lungun ni roha laho mangoloi aturanMu, manyalpui por ni roha gabe mamora.

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

1 RAJA-RAJA 8:58

Sai dibaen Ia ma hita gabe halak na burju tuSia anso sude ngolunta mangihutkon hagiotNia jana burju patulus angka tona dohot parenta na dung nilehenNia tu ompunta.

JAKOBUS 1:13

Muda adong sanga ise na hona ujian na songon i, ulang ma didokkon ia, “Sian Debata do haroroan ni ujian i,” angke nada tarbaen hona uji Debata baenon ni hajahatan jana nada diuji Debata sanga na ise pe.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

1 RAJA-RAJA 22:22

‘Bia ma?’ ninna Tuhan manyapai. Dialusi Tondi i ma, ‘Kehe pe au jana hubaen ma anso sude panurirang ni si Ahab i margabus.’ Didok Tuhan ma, ‘Denggan, baen ma anggo songon i, harana manjadi do i anggo ho manggabusi ia.’ ”

PANGARATAION 2:30

Hape nada ra Raja Sihon patolahon hita mamolus tanonia i. Madung dipapir Tuhan Debatamunu i rohania jana papuluk-pulukkon, anso tartaluhon hita ia jana tabuat luatnia i. Laing hita do mangingani luat i lopus saonnari.

BILANGAN 25:2

Dioban angka dadaboru i ma halahi tu angka pesta, marhaul laho pasangapkon Debata Moab. Dipangan halak Israel ma panganon i jana dohot halahi manyomba Baal, debata

PAMUNGKAAN 27:14

Bulus kehe ma si Jakob mambuat hambeng i jana dioban ia ma tu inangnia. Dipature si Ribka ma panganon giot ni roha ni si Ishak.

1 RAJA-RAJA 13:8

Dialusi panurirang i ma, “Haru dilehen raja i pe di au satonga sian sinadongan ni raja i, nada ra au dohot mangan sanga minum rap dohot raja i.

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.