Biblia Todo Logo
Bib sou entènèt

- Piblisite -




MASMUR 14:1 - BIBEL JAMITA NA DENGGAN

1 Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

Gade chapit la Kopi




MASMUR 14:1
32 Referans Kwoze  

Nada parduli tu Tuhan anggo halak pardosa; hara ni jungkatna, dipikiri ia nada adong Debata.


Didok na oto i do di bagasan rohana, “Nada adong Debata.” Jorbut do pangalaho ni halahi jana hagigian, nada adong mambaen na denggan.


Anggo halak na bodo nada mangarti halak na oto nada mangastui,


Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,


O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!


Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”


Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.


Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.


Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.


Nada mardomu hamu dohot Kristus hatiha i, halak na asing do hamu na so tarmasuk halak Israel. Nada masuk hamu tu na manjagit janji na nibaen ni Debata dohot bangsoNia i. Nada adong sanga aha arop ni rohamunu na mangolu i di tano on jana nada marsomba tu Debata na sintong hamu.


Haru nigogoan pe mambalbal halak na oto, nada gabe ruar habodoonna sian dirina.


Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?


Hape laing manyapai dope ho, ‘Aha diboto Ia? Di balik ni ombun do Ia, bia ma he baenonNia manguhumi hita.’


Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”


Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.


Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.


Adong ma i na marhancit hara ni angka dosana, jana hona siksa hara ni angka hasalaanna.


Mur jolma na rorang dohot na jurngit ma hape, na mandorguk hajahatan songon aek.


Ulang dipikirkon tuan i si Nabal, jolma na so hasaya i! Jolma na bodo i – laing songon goarna i. Na so huida do angka utusan na nisuru ni tuan i.


Dengganna i antong anggo dapot por ni roha! Halak na jahat nada ra morot sian hajahatanna.


dibaen mangiburu do au mida halak siginjang roha, muda huida pardohar ni halak na jungkat.


Di tano on nada adong halak na sanggam, na sai tongtong mambaen na denggan na so jungada mardosa.


Madung mangalo bangso ni Tuhan maradopkon Tuhan i. Didok halahi, “Tole ma da, nada pola baenonNia bagi aha. Nada pola hona parmaraan hita jana nada pola songgop tu hita porang sanga haleon.


Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.


Swiv nou:

Piblisite


Piblisite