MASMUR 139:24 - BIBEL JAMITA NA DENGGAN

²⁴ Pareso ma betak na sala do dalan na hubolus, togu ma au di dalan na manongtong.

MASMUR 139:24 Referans Kwoze

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 5:8

Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

MASMUR 119:32

Sonang do rohangku giot mangoloi parentaMu, angke dibaen Ho do au mur mangastui.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

MATEUS 7:14

Tapi anggo pintu na sompit dohot dalan na hohot i, i ma pamolusan ni halak tu hangoluan. Hum saotik sajo do halak na dapotan i.”

KOLOSSE 2:6

Madung dijagit hamu Jesus Kristus gabe Tuhan. Hara ni i angkon sahangoluan ma hamu dohot Ia,

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

MASMUR 119:1

Martua ma halak na so targora di ngoluna, jana na mardalan mangoloi Tona Ni Tuhan.

PODA 15:9

Magigi do Tuhan di dalan ni halak parjahat, tapi holong do rohaNia di halak partigor.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.