MASMUR 139:2 - BIBEL JAMITA NA DENGGAN

² Diboto Ho do sude pambaenanku; sian na dao diboto Ho do pikiranku.

MASMUR 139:2 Referans Kwoze

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

2 RAJA-RAJA 19:27

“Tapi Huboto do sasudena taringot tu ho. Huboto do sanga aha na nibaenmu jana sanga tu dia ho kehe. Jana Huboto do na marpiar-piar murukmu tu Au.

LUKAS 9:47

Diboto Jesus do pikiran ni halahi, jadi dipiohon Ia ma sada dakdanak, dipajongjong Ia ma di lambungNia.

MASMUR 94:11

Didodo Tuhan do pikiran ni jolma, diboto Ia do sangkap ni halahi na so marguna.

JESAYA 37:28

Tapi Huboto do sude taringot tu ho sandiri. Huboto do sanga aha na nibaenmu jana sanga na tu dia ho kehe. Huboto do na marsitutu murukmu tu Au.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

MASMUR 56:8

Diboto Ho do godang ni sitaononku, torang do di rohaMu ilu-ilungku. Nada he tarsurat do sudena i di bukuMu?

2 RAJA-RAJA 6:12

Dialusi sahalak sian parpangkat i ma, “Nada adong i sahalak pe rajanami. Tapi karejo ni si Elisa do i! Ia do paboahon tu raja ni Israel sanga aha na nidok ni raja i, haru pe di kamar podoman didok raja i hata i.”

PAMUNGKAAN 16:13

Sapa-sapa ma si Hagar di bagasan rohania, “Tutu do ulaning huida Debata na mamparrohahon au?” Jadi gabe digoari ia ma Tuhan na mandok hata i tusia, “Debata Na Mamparrohahon”.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

JEHESKIEL 38:17

Nada he Hudok hian do najolo taringot tu ho marhite angka naposongKu na giot suruonKu di hatiha na giot ro sada halak laho mamorangi Israel. Au Tuhan Debata madung mandok songon i.”

PANGARATAION 31:21

jana bahat ma parmaraan na jorbut ampe tu halahi. Tapi anggo ende on tongtong ma diendehon jana dipake gabe hasaksian maradopkon halahi, harana laing tong-tong do i endehonon ni pomparan ni halahi. Salang saonnari pe, painte so Huoban halahi tu tano na Hujanjihon i, Huboto do pardangolan ni pikiran ni halahi.”

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

JEHESKIEL 11:5

Dung i digohi Tondi Ni Tuhan ma au, jana disuru Tuhan ma au mandok hata tu bangso Israel, “Ale bangso Israel, Huboto do sanga aha na nidok dohot na nisangkapmu.