MASMUR 139:19 - BIBEL JAMITA NA DENGGAN

¹⁹ Sugari dipusa Ho ma nian halak parjahat, ale Debata, jana padao ma sian au angka siduruskon mudar!

MASMUR 139:19 Referans Kwoze

MASMUR 5:6

Dipusa Ho do angka pargabus ditulakkon Ho do pangicu dohot pamunu.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

MASMUR 119:115

O hamu parjahat! Morot ma ho sian au! Sai giot momosanku do parenta ni Debatangku.

MASMUR 6:8

O, angka na jahat, morot ma hamu madung ditangihon Tuhan tangisku.

MASMUR 64:7

Hape ditembakkon Debata do panaNia tu halahi, jana manigor mabugang ma halahi.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 9:17

Hamatean do bagian ni halak pardosa, angka bangso na so manghabiari Debata.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MASMUR 94:23

Diuhum Ho do halak na jahat hara ni hajahatanna, dipangabis Ho do halahi hara ni dosana. Tuhan Debatanta giot patimpaskon halahi.

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

MASMUR 9:18

Nada tongtong halak na dangol dihalupahon, nada torus halahi so marpangaropon.