MASMUR 139:1 - BIBEL JAMITA NA DENGGAN

¹ Ale Tuhan, disihiri Ho do au, jana ditanda Ho au.

MASMUR 139:1 Referans Kwoze

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

MASMUR 44:21

pasti diboto Ho do i, angke didodo Ho do sibunian ni roha.

MASMUR 139:23

Tangkasi ma au ale Debata, jana dodo ma rohangku; uji ma au jana tandai ma pikiranku.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

1 RAJA-RAJA 8:39

sai tangihon ma di ingananMu na di banua ginjang sesa ma dosa ni halahi jana urupi halahi. Hum Ho do na umboto roha ni jolma. Hara ni i baen ma tu ganop halak na patut disia.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

HALUMBAAN 2:18

“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.

2 SAMUEL 7:20

Aha dope na tardokkon au tu Ho? Madung diboto Ho sinasoada ni naposoMon.

2 RAJA-RAJA 19:27

“Tapi Huboto do sasudena taringot tu ho. Huboto do sanga aha na nibaenmu jana sanga tu dia ho kehe. Jana Huboto do na marpiar-piar murukmu tu Au.

1 JUJUR TAON 17:18

Aha dope he sidohononku tu Ho, ale Tuhan Debata? Tangkas do ditanda Ho sanga na ise au on, hape dilehen Ho do sangap di au naposoMon.