MASMUR 138:1 - BIBEL JAMITA NA DENGGAN

¹ Sai giot mandok tarimakasi do au tu Ho, ale Tuhan, sian sude rohangku. Di jolo ni sude debata, huendehon puji-pujian di Ho.

MASMUR 138:1 Referans Kwoze

MASMUR 111:1

Sian sandok rohangku, sai mandok tarimakasi do au tu Tuhan di tonga-tonga ni parpunguan ni bangsoNa.

MASMUR 95:3

Angke Debata na godang do Tuhan, raja na marsahala mangatasi sandok debata.

1 KORINTUS 14:15

Antong, bia noma? On noma sibaenonniba: Martangiang ma iba dohot tondiniba, tapi martangiang muse ma iba dohot rohaniba. Marende ma iba dohot tondiniba, tapi laing giot marende muse ma iba dohot rohaniba.

MASMUR 119:46

Baritahononku ma aturanMi tu angka raja, jana nada au gabe marhahaila.

MASMUR 96:4

Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

MASMUR 82:6

Hudok do, anggo hamu debata do jana angka anak ni Na Gumincat do hamu.

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia:

MASMUR 9:1

Sian sasude roha hudok tarimakasi tu Ho, Tuhan. Giot paboaonku ma angka pambaenanMu na pahomangkon roha.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

BAENON NI ANGKA RASUL 23:5

Dialusi si Paulus ma, “Na so huboto do ia Malim Godang. Tutu do i adong tarsurat, ‘Ulang palayas pamimpin ni bangsomu.’ ”

HARURUAR 22:28

Ulang burai hamu Debata jana ulang pasumpahon pamimpin ni bangsomu.

MASMUR 9:2

Hara ni Ho, dapot au roha na sonang hupuji goarMu, Tuhan Na Markuaso.

MASMUR 57:9

Ale Tuhan, giot mandok tarimakasi ma au tu Ho di tonga-tonga ni angka bangso. Giot pujionku ma Ho di tonga-tonga ni jolma manusia.