MASMUR 136:1 - BIBEL JAMITA NA DENGGAN

¹ Mandok tarimakasi ma hamu tu Tuhan, angke na denggan do Ia, hot do holong ni rohaNia sapanjangna.

MASMUR 136:1 Referans Kwoze

MASMUR 118:1

Dok ma tarimakasi tu Tuhan angke na denggan do Ia, sai hot do manongtong holong ni rohaNia.

1 JUJUR TAON 16:34

Lehen ma tu Tuhan tarimakasi. Angke na denggan rohaNia, jana nada tarsuhat holongNia.

MASMUR 106:1

Mandok tarimakasi ma tu Tuhan, angke burju do Ia; hot do manongtong holong ni rohaNia.

1 JUJUR TAON 16:41

Disi muse do si Heman dohot si Jedutun bope angka na deba nari mangurupi Malim Zadok dohot angka malim na deba nari laho mangendehon: “Puji-pujian ma di Tuhan, hara ni holong ni rohaNa na so mantak i.”

MASMUR 107:1

“Mandok tarimakasi ma hamu tu Tuhan angke na burju do Ia, hot do holong ni rohaNia salolot-lolotna.”

2 JUJUR TAON 20:21

Dung marunding dohot rayat i disuru raja i ma angka parende mamake pakean saragam na somal dipake halahi di angka upacara ugamo na mardohonan. Angkon marbaris do angka parende i tongam di jolo ni barisan ni tentara i lalu marende, “Puji ma Tuhan! Hot do holong ni rohaNa sapanjangna!”

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

2 JUJUR TAON 7:3

Di na niida ni rayat ni Israel i mijur api sian langit dohot sinondang ni haroro ni Tuhan manggohi Bagas Ni Tuhan i, manungkap ma halahi tu lante i lalu marsomba dohot mamuji Debata, hara ni dengganNia dohot holong ni rohaNia na manongtong i sapanjangna.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

2 JUJUR TAON 7:6

Jongjong ma angka malim i di jongjonganna be paadop-adop dohot halak Levi na mamuji Tuhan dohot alat-alat musik na nibaen ni Raja Daud, lalu mangendehon, “Manongtong do holong ni rohaNa sapanjangna,” hombar tu na nidokkon ni si Daud. Diombus angka malim ma sarune, lalu marjongjongan ma rayat i sudena.

MASMUR 105:1

Mandok tarimakasi ma di Tuhan, paboa-boa hamu ma hagodanganNia. Caritohon hamu ma pambaenanNia di tonga-tonga ni angka bangso.

MASMUR 119:68

Na denggan ma antong rohaMu, jana denggan muse pambaenanMu ajarkon ma tu au angka hatontuan na nibaenMu.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

JUDAS 1:21

jana sai mardongan holong na sian Debata ma hamu mardalan di ngolu on salolot mararop ni roha hamu di asi ni roha ni Tuhanta Jesus Kristus na giot mangalehen ngolu na manongtong di hamu.

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.