MASMUR 130:1 - BIBEL JAMITA NA DENGGAN

¹ Tuhan, pio-pio do au tu Ho sian rahis godang ni pandeleanku.

MASMUR 130:1 Referans Kwoze

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 40:2

Ditarik Ia do au sian godung parmaraan, diela Ia do au sian ombik na bagas. Dibaen Ia au tu ginjang ni dolok batu, gabe sonang au.

MASMUR 18:16

Sian ginjang disurduhon Tuhan tanganNa tu au, sian aek na bagas ditarik Ia au.

MASMUR 129:1

Pajojor ma ale Israel, hancit ni na nitaonmu, na dibaen ni musu mamungka sian haposoonmu.

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 127:1

Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

MASMUR 126:1

Di na nioban ni Tuhan hita mulak tu Jerusalem, songon halak na marnipi do hita!

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 124:1

Bia do sugari nada mamihak tu hita Tuhan? Hamu halak Israel, alusi hamu ma songon on:

MASMUR 123:1

O Tuhan, tu Ho do au manatap Ho do mamarenta di banua ginjang.

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

MASMUR 121:1

Mangaranap do matangku dompak dolok, sian dia do luai ro pangurupion di au?