MASMUR 128:1 - BIBEL JAMITA NA DENGGAN

¹ Martua ma halak na mabiar mida Tuhan, jana na mangolu mangihutkon parentaNa.

MASMUR 128:1 Referans Kwoze

MASMUR 119:1

Martua ma halak na so targora di ngoluna, jana na mardalan mangoloi Tona Ni Tuhan.

MASMUR 112:1

Martua ma na burju na marjop ni roha patuluskon parenta ni Tuhan.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

MASMUR 127:1

Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

MASMUR 115:13

Sude halak na pasangap Ia, na menek sanga na magodang, giot pasupasuonNia.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 120:1

Di bagasan hasusaanku pio-pio au tu Ho Tuhan, jana dialusi Ho do au.

MASMUR 119:3

Martua ma halak na mangihutkon hagiot ni Tuhan di ngoluna, jana na so mambaen hajahatan.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

MASMUR 121:1

Mangaranap do matangku dompak dolok, sian dia do luai ro pangurupion di au?

MASMUR 124:1

Bia do sugari nada mamihak tu hita Tuhan? Hamu halak Israel, alusi hamu ma songon on:

MASMUR 103:1

Puji ma Tuhan, ale tondingku jana sude rohangku mamuji goarNa na badia i.

MASMUR 126:1

Di na nioban ni Tuhan hita mulak tu Jerusalem, songon halak na marnipi do hita!

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

MASMUR 123:1

O Tuhan, tu Ho do au manatap Ho do mamarenta di banua ginjang.

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

PANGARATAION 28:3

Pasupasuon ni Tuhan ma ho di kota dohot di ladang i.

2 SAMUEL 22:22

Huoloi do parenta ni Tuhanku, jana na so unjung marbalik au sian Debatangku.