MASMUR 127:3 - BIBEL JAMITA NA DENGGAN

³ Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

MASMUR 127:3 Referans Kwoze

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.

1 SAMUEL 1:27

Na mangido dakdanak on do au tu Tuhan, jana madung ditangihon Ia pangidoanki.

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

PAMUNGKAAN 48:4

Didok Debata tu au, ‘LehenonKu ma di ho bahat pomparanmu anso gabe bangso na bahat pomparanmi; lehenonKu ma di pomparanmu luat on gabe tano ni halahi ro di salolot-lolotna.’ ”

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

PAMUNGKAAN 1:28

Dipasupasu Debata ma halahi, didok Ia ma, “Gabe ma hamu maranak marpahompu, lopus sude sisik ni tano on diingani jana dirajai pomparanmu. Hupasahat ma tu hamu mangurus angka ihan, unggas dohot sude binatang riar.

1 JUJUR TAON 28:5

Dilehen Ia do hagabean bahat anak di au jana sian anakki sudena ditodo Ia do si Salomo anso mamarenta di Israel, harajaan ni Tuhan i.

JESAYA 13:18

Bunuon ni halahi do angka na poso dohot siorna songon i dohot pana. Nada masa ibo ni roha di halahi maradopkon dakdanak na baru sorang jana nada holong roha ni halahi mida dakdanak.

PAMUNGKAAN 4:1

Dung i marcampur ma si Adam dohot si Hawa dadaborunia i, jana denggan ma pamatangna. Ditubuhon ia ma sada anak halaklahi jana ning ia ma, “Hara ni panolongi ni Tuhan, maruli do au sada anak halaklahi.” Gabe dibaen ia ma goar ni dakdanak i, si Kain.

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

HAKIM-HAKIM 12:9

Adong do tolu pulu halaklahi anak ni si Ebsan on jana tolu pulu halak borunia. Dipabagas ia tu angka marga na asing do borunia i, lalu dibuat ia ma tolu pulu halak boru sian marga na asing di angka anaknia i. Pitu taon honokna si Ebsan mamimpin halak Israel,

2 SAMUEL 3:5

Si Jitram. Inangna si Egla. Di Hebron do sorang anakna na onom i.

1 JUJUR TAON 8:40

Angka parajurit na barani do sudena anak ni si Ulam boti na malo-malo mamake pana. Pahompunia hum halaklahi adong do saratus lima pulu halak bahatna. Sian Marga Benyamin ma halahi sude.

JOB 1:2

Adong do pitu halak anaknia jana tolu borunia.