MASMUR 127:1 - BIBEL JAMITA NA DENGGAN

¹ Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

MASMUR 127:1 Referans Kwoze

PODA 16:9

Bolas do jolma mambaen sangkap, tapi Tuhan do na patuluskon langkana.

1 KORINTUS 3:7

Hara ni i, na umporlu nada na mananom sanga na manyiram, tapi Debata na patubuhon i do.

MASMUR 124:1

Bia do sugari nada mamihak tu hita Tuhan? Hamu halak Israel, alusi hamu ma songon on:

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

1 JUJUR TAON 28:10

Angkon botoonmu do na dung ditodo Tuhan ho laho pajongjongkon bagas na gabe hapunjungan ni Tuhan. Antong, saonnari situtui ma laho patuluskon i.”

JEREMIA 51:12

Lehen ma tanda laho manyerang angka tembok ni Babel. Pagomos panjago. Baen pangawal. Markobas ma mambulutkon!” Madung didalankon Tuhan sanga aha na disangkaphonNia maradopkon Babel.

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

1 KORINTUS 15:14

Jana sugari na so tutu mulak mangolu Kristus sian hamatean gabe nada adong gunana be hami manjamitahon sanga aha, jana inda adong muse gunana porsaya hamu.

MASMUR 121:1

Mangaranap do matangku dompak dolok, sian dia do luai ro pangurupion di au?

MASMUR 123:1

O Tuhan, tu Ho do au manatap Ho do mamarenta di banua ginjang.

MASMUR 120:1

Di bagasan hasusaanku pio-pio au tu Ho Tuhan, jana dialusi Ho do au.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 78:69

Dipajongjong Ia inganan na badia na sagincat ni langit, jana satohong ni tano, nada tarhutur salolot-lolotna.

JESAYA 56:10

angke angka na mapitung do anggo pamimpin ni bangsongKu! Nada diboto halahi bagi aha. Songon anjing panjago na so martunggu do halahi, tapi na modom sajo do halahi.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

MASMUR 126:1

Di na nioban ni Tuhan hita mulak tu Jerusalem, songon halak na marnipi do hita!

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

JESAYA 27:3

Au do Tuhan na manjagosa; jana na totop pasiram-siram i; arian sanga borngin sai Hujagoi do i, anso ulang adong na manyego i.

1 JUJUR TAON 29:19

Lehen ma tu si Salomo anakki, roha na marsitutu laho mangihutkon sude na niparentahonMu bope laho pajongjong sada bagas paribadatan na dung hupasingkop haporluanna.”

GALATIA 4:11

Songon na gamang do au, betak na parcuma do halolojangki dibaen hamu!

ENDE NA GODANG 5:7

Didapotkon angka na manjago kota i ma au, lalu dibalbali jana margasai au, dirampas halahi ma salendangku.

ENDE NA GODANG 3:3

Tarpaida au ma panjago ni kota, ningku ma, “Adong dehe tarpaida ho haholongan ni rohangku?”

JEREMIA 51:31

Marlojongi angka suruan marsijolo-joloanan laho paboahon tu raja ni Babel, bahaso na dung hona serbu kotania i sian sude haroroan.

MASMUR 72:1

Ale Debata, ajarkon ma uhumMu tu raja, lehen ma hatigoranMu tu anak ni raja.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

JOSUA 2:2

Dipaboa halak ma tu raja ni Jeriko i bahaso na adong piga-piga halak Israel di borngin i na ro mamata-matai luat ni Jeriko.

1 RAJA-RAJA 5:12

Tutu do dipatulus Tuhan i janjiNa jana dilehen bisuk tu si Salomo. Gabe tubu ma parale-aleon na togu di si Hiram dohot si Salomo lalu dipudun halahi ma janji ni halahi.