MASMUR 124:3 - BIBEL JAMITA NA DENGGAN

³ madung hona bondut hian hita mangolu-olu, hara ni muruk ni roha ni halahi mida hita.

MASMUR 124:3 Referans Kwoze

BAENON NI ANGKA RASUL 9:2

mangido surat kuaso anso tola ia kehe tu angka bagas paribadatan ni halak Jahudi di Damaskus laho manangkupi angka halak na mangihutkon dalan ni Tuhan na dapot ia, halaklahi bope dadaboru, anso dioban ia halahi tu Jerusalem.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

DANIEL 3:19

Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

MASMUR 57:3

Dipalua jana dialusi Ia au sian banua ginjang; ditaluhon Ia angka halak na manyosak au. Patuduhonon ni Debata do paboa na denggan rohaNia tu au, jana na sai manghaholongi au.

MASMUR 35:25

Ulang padiar halahi mandok di bagasan rohana, “Tuani ma da mate i! I ma tutu na nipangido ni rohanami i!”

MASMUR 27:2

Muda ro parjahat mangaroro giot mamunu au, tartuktuk ma halahi lalu madabu.

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

PODA 1:12

Saonnari sonang jana sehat do halahi, tapi annon gabe songon na mate.

MASMUR 83:4

Didok halahi, “Tole ma tapatimpas bangso Israel, anso ulang sai dipaingot-ingot be halahi.”

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

MASMUR 74:8

Na giot manaluhon hami sude do halahi, jana manyurbu sude inganan parsombaon di luat on.

ESTER 3:6

Jana dung diboto ia na halak Jahudi do hape si Mordehai, dibaen ia ma haputusan laho manguhum si Mordehai jana nada hum ia sajo, tapi na giot pusaonnia muse ma sandok bangso Jahudi na di harajaan Persia.

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

MASMUR 83:5

Madung tutu satahi angka bangso, jana marpokat mangalo Ho.