MASMUR 119:2 - BIBEL JAMITA NA DENGGAN

² Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 119:2 Referans Kwoze

JEREMIA 29:13

Jalahanmunu ma Au, jana dumpang hamu, dibaen sian sude rohamunu noma jalahanmunu Au.

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

PANGARATAION 4:29

Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

JEHESKIEL 36:27

DuruskononKu ma tondingKi tu bagasan rohamunu jana sai jagoanKu ma hamu anso mardalan mangihutkon angka aturan na sian Au jana anso mangoloi di sude na Huparentahon.

PODA 23:26

Denggan-denggan ma parrohahon jana tiru ma ngolungku, ale anakku!

PANGARATAION 6:17

Oloi hamu ma sude aturan na dilehen ni Tuhan tu ho.

2 JUJUR TAON 31:21

Marhasil do ia hara ni sude na nibaennia tu Bagas Ni Debata sanga na nibaennia laho mangoloi Tona Ni Tuhan, dibaen ia do sian situtu ni rohania hara ni holong ni rohania tu Tuhan Debatania.

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

1 JOHANNES 3:20

Angke muda diuhumi rohanta hita, na gumodang dope Debata sian rohanta jana diboto Ia do sasudena i.

MASMUR 105:45

anso oloan ni halahi angka uhumNia jana ihutkononna parentaNia. Puji ma Tuhan!

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

MASMUR 119:22

Padao ma pangincaki ni halahi sian au, dibaen madung hudalankon aturanMu.

MASMUR 119:146

Pio-pio do au tu Ho, sai palua ma au, giotku sai marsitiopan do tu paraturanMu.

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”

MASMUR 119:17

Mardenggan basa ma Ho tu au naposoMon, anso laing mangolu au jana mangoloi pangajaranMu.

MASMUR 119:33

O Tuhan, ajari ma au mangastui hatontuanMu, anso sai tongtong ma i patulusonku.

MASMUR 119:34

Baen ma au mangarti di TonaMi, anso huoloi, jana hudalankon sian sandok rohangku.

MASMUR 119:57

Hum Ho sajo do por ni rohangku, ale Tuhan, marjanji do au mandalankon pangajaranMu.

MASMUR 119:69

Ditilakoi halak siginjang roha au, tapi sian sandok rohangku, huoloi haputusanMu.

MASMUR 119:88

Hara ni hot ni holong ni rohaMu, urupi ma au, anso taroloi au parentaMu.

MASMUR 119:101

Hupasiding do sude parange na so ture anso huoloi pangajaranMu.

MASMUR 119:115

O hamu parjahat! Morot ma ho sian au! Sai giot momosanku do parenta ni Debatangku.