MASMUR 119:154 - BIBEL JAMITA NA DENGGAN

¹⁵⁴ Ondihon jana palua ma au, pangolu ma au hombar tu baga-bagaMu.

MASMUR 119:154 Referans Kwoze

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

JEREMIA 50:34

Tapi gogo do Au pambela ni halahi Tuhan Na Markuaso i do goarKu. Au sandiri do na manjuljulkon parkaro ni halahi dohot na maroban dame tu portibi on. Tapi anggo tu halak Babel paroonKu ma hasusaan.”

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

1 SAMUEL 24:15

Diparrohahon raja i ma jolo au on na giot bunuon ni raja ni Israel! Ligi ma au on na nikojarnia i! Anjing na mate sajo do au, hum songon sada hutu sajo.

JEREMIA 11:20

Dung i martangiang ma au, “Ale Tuhan Na Markuaso, Ho do panguhum na tigor; Ho do na manguji pikiran dohot roha ni jolma. Tu Ho do Hupasahat parkarongkon; sugari nian tarbaen au ma manyaksihon balos ni angka parange ni jolma on.”

MASMUR 119:40

Lehen ma di au ngolu na imbaru, angke na tigor do Ho, sai por do rohangku mangoloi haputusanMu.

MASMUR 119:25

Payak do au tarpodom di abu; paulak ma ngolungku hombar tu janjiMu.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.

JEREMIA 51:36

Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

JOB 5:8

Sugari songon ho au, dohononku ma tu Debata, aduhononku noma tuSia, jana dipasahat parkaroniba.

1 SAMUEL 24:16

Tuhan ma na gabe hakim antara ni raja i dohot au. Sai dipareso Ia ma parkaro on, jana Ia ma mangondihon dohot na paluahon au sian tangan ni raja i.”

MASMUR 35:23

Jongjong ma Ho mangampini parkarongku, o ale Debatangku jana Tuhanku, urupi ma au!

MASMUR 119:38

Patogu ma janjiMu tu naposoMu, janji na nilehenMu tu halak na burju mangoloi Ho.