MASMUR 119:142 - BIBEL JAMITA NA DENGGAN

¹⁴² Hot do martahan hatigoranMu salolot-lolotna, jana sai na bonar do TonaMu sapanjangna.

MASMUR 119:142 Referans Kwoze

JOHANNES 17:17

Markite-hite hasintongan ni Damang, baen ma halahi gabe angka jolma hapunjungan ni Damang sandiri; hata na nidok ni Damang i do hasintongan i.

MASMUR 19:9

Dumenggan ma na marsomba tu Tuhan, jana tongtong ma i nikarejoan. Haposan do Tona Ni Tuhan jana salolotna do marhatigoran.

MASMUR 119:151

Hape donok do Ho Tuhan tu au, topet do sude parentaMu.

JESAYA 51:8

Mago do halahi jana gabe sisoada, songon pakean na dipangan ngitngit. Tapi anggo haluaan na Hulehen, hot do i salolotna, hamonanganKu hot do i sian pomparan tu pomparan.”

JESAYA 51:6

Tatap ma tu langit, tailihon ma tu tano, mago ma langit i songon timus. Buruk do tano on songon abit, mate sude na mangingani i songon rongit. Tapi anggo haluaan na Hulehen i, hot do salolotna, hamonanganKu nada adong ujungna.

EPESUS 4:21

Madung dibege hamu taringot tuSia! Jana hamu angka na mangihutkon Ia, nada he madung niajaran hamu taringot tu hasintongan na adong diSia!

MASMUR 119:144

Sapanjangna do tigor paraturanMu, lehen ma di au pangastuion anso mangolu au.

MASMUR 36:6

HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

MASMUR 119:160

Tutu do sude hataMi, hot do salolot-lolotna parentaMu na tigor i.