MASMUR 119:139 - BIBEL JAMITA NA DENGGAN

¹³⁹ Marsigorgor do murukku, hara ni na layas roha ni musungku di pangajaranMu.

MASMUR 119:139 Referans Kwoze

JOHANNES 2:17

Dung i tarsingot ma tu roha ni angka siseanNia i ayat na di Buku Na Badia i songon on, “Holong ni roha maradopkon BagasMu, sai marsigorgor do songon api na mambaen mosok!”

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

BAENON NI ANGKA RASUL 13:27

angke na so pamotoan ni halak Jerusalem dohot angka pamimpin ni halahi, hapengani Ia do Jesus i. Na so mangarti do halahi na tarsurat di pangajaran ni angka panurirang haru pe disise halahi i ganop Ari Sabat, gabe diuhumi halahi ma Jesus. Tapi hara ni na nibaen ni halahi songon i gabe tulus ma na nidok ni angka panurirang hian.

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MATEUS 21:16

Didok halahi ma tu Jesus, “Na so dibege Ho do na nidok ni halahi i?” “Olo, Hubege do,” ninna Jesus mangalusi, “Na so unjung do dibaca hamu hata na mandok: ‘Dakdanak dohot na baru sorang pe na dung Huajari do mandok hata puji-pujian na sun denggan’?”

MATEUS 21:13

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

MASMUR 53:4

Didok Tuhan, “Na so diboto parjahat i dehe i na mangarampasi bangsongKu halahi jana na so unjung martangiang tu Au?”

1 RAJA-RAJA 19:14

Dialusi si Elia ma, “Tuhan, Debata Na Markuaso! Sai markarejo do au hum tu Ho sajo. Hape dilaosi halak Israel do parjanjian ni halahi dohot Ho. Madung dirorak halahi angka langgatanMu jana dibunu angka panurirangMu. Hum sasada au noma na tinggal jana saonnari giot bunuon ni halahi ma au!”

MASMUR 69:10

Huparkanciti do diringku marhite na puaso, hape habilean do na hujagit.