MASMUR 119:11 - BIBEL JAMITA NA DENGGAN

¹¹ Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 119:11 Referans Kwoze

MASMUR 37:31

Momos do di bagasan rohania aturan na sian Debatana, nada manyimbil sian i ia.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

MASMUR 40:8

Jop rohangku patuluskon hagiotMu, ale Debata, tarsimpan do pangajaranMu di bagasan rohangku.”

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

MASMUR 1:2

tapi na ringgas patuluskon Tona Ni Tuhan, jana na pahusor-husorkon di bagasan rohana arian dohot bornginna.

JOB 22:22

Jagit ma na niajarkon ni Tuhan tu ho; simpan ma i sude di bagasan rohamu.

MASMUR 119:97

Holong sajo do rohangku mida TonaMu, jana sai hupasari-sari do i sasadari.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

PODA 2:1

Jagit ma angka pangajaranku, ale anakku, jana paingot-ingot ma angka sipaingotku tu ho.

LUKAS 2:19

Tapi anggo si Maria disimpan ia ma sudena i di bagasan rohania mamikirkon sanga aha arti ni sudena i.

MASMUR 19:13

Padao ma au sian dosa na nisangajo, ulang padiar au dikuasoi. Jadi gabe jolma na sun denggan ma iba, jana malua sian hajahatan ni dosa.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.