MASMUR 119:10 - BIBEL JAMITA NA DENGGAN

¹⁰ Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 119:10 Referans Kwoze

MASMUR 119:34

Baen ma au mangarti di TonaMi, anso huoloi, jana hudalankon sian sandok rohangku.

MASMUR 119:2

Martua ma halak na mangihutkon parentaNia, jana na manggogo sian sandok rohana mananda Tuhan.

MASMUR 23:3

Dilehen Ia di au gogo na imbaru, jana ditogu Ia do au di dalan na tigor hombar tu na nijanjihonNia.

2 JUJUR TAON 15:15

Marjop ni roha do sandok rayat Juda, angke madung marsumpa halahi sian nasa roha. Sonang ma roha ni halahi mulak tu Tuhan, jana Tuhan pe lomo ma rohana manjagit halahi. Dilehen ia ma tu halahi hasonangan di luat ni halahi.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

MASMUR 119:133

Patogu ma langkangku hombar tu baga-bagaMu, ulang padiar dirajai hajahatan au.

PODA 21:16

Jolma na so mangihutkon parngoluon ni halak na marroha, pasti muli lalu tu portibi ni halak na mate.

MASMUR 119:118

Ditulak Ho do halak na manyimbil sian hatontuanMu, sayang boti do sangkap ni halahi na gok tipu.

MASMUR 119:21

Digorahon Ho do halak siginjang roha, diburai Ho do halak na manyimbil sian parentaMu.

KOLOSSE 3:22

Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.

JEREMIA 3:10

Dung dipambaeni sudena i, dipaula-ula Juda na so setia i ma mulak tu Au, tapi nada sian bagasan rohania na giot mulak i. Au, Tuhan, madung mandok songon i.”

PODA 2:13

Nada ra be halahi mangolu mangihutkon dalan na sintong, hara ni na mangihutkon parngoluon na gok dosa.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 78:37

Nada burju halahi tuSia jana nada marsitiopan tu janjiNia.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”

1 JOHANNES 2:15

Ulang haholongi hamu portibi on, sanga pe bagi aha na adong di bagasan portibi on. Muda holong do rohamunu di portibi on, na so holong do rohamunu mida Ama i.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

HOSEA 10:2

Angka jolma parroha na geduk i, angkon taononna ma saonnari panginona i ni dosana i. Roncohonon ni Debata ma langgatan ni halahi i, jana rumpakkonon ma angka tugu ni gana-ganaan ni halahi.

MASMUR 119:69

Ditilakoi halak siginjang roha au, tapi sian sandok rohangku, huoloi haputusanMu.

MASMUR 119:58

Mangido au sian sandok rohangku; domu tu janjiMu, rade ma au uhumanMu.

JEHESKIEL 34:6

Gabe mampar ma angka biri-biringKi di angka tor na gincat dohot di angka dolok. Marserak ma halahi tu sude sisik ni portibi on, sahalak pe nada adong na manyarihon sanga na manjalahi halahi.