MASMUR 118:6 - BIBEL JAMITA NA DENGGAN

⁶ Nada mabiar au, angke didongani Tuhan do au, nada margogo anggo jolma maradopkon au.

MASMUR 118:6 Referans Kwoze

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

MASMUR 56:4

Hupuji do Ho ale Debata, hara ni na nijanjihonMi; tu Ho do au marpos ni roha, gabe nada au mabiar; nada tarbaen jolma sanga na aha tu au.

MASMUR 56:11

Mararop roha tu Debata do au, nada mabiar au, nada tarkahua jolma au.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 146:5

Martua ma halak na mangasahon Tuhan Debatana, jana na mardebatahon Debata ni si Jakob, gabe pangurupina.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

1 SAMUEL 17:11

Di na nibege ni si Saul dohot angka dongannia i pangalapina i, tarsonggot ma halahi jana gabe mabiar situtu.

1 SAMUEL 17:37

Na dung dipalua Tuhan do au sian singa dohot gompul, laing paluaonNia muse ma au sian halak Pilistin i.” Dung i didok si Saul ma tusia, “Antong denggan, sai didongani Tuhan ma ho nian.”

MASMUR 56:5

Sasadari do susa au dibaen musu, na torus marniet laho mangago au.

MASMUR 56:10

Hupuji do Ho ale Debata, hara ni na nijanjihonMu, hupuji ma Ho ale Tuhan, hara ni na nipadankonMu.

MASMUR 56:12

Patulusonku ma janjingku tu Ho, ale Debata haulkononku tu Ho haul hatarimakasion.

MASMUR 94:16

Ise do mambela au maradopkon halak parjahat? Ise do mamihak tu au mangalo halak sibaen jahat?

MASMUR 112:8

Nada sak rohania, nada heput muse ia, angke pos do rohania, sai na talu do musunia.