MASMUR 118:17 - BIBEL JAMITA NA DENGGAN

¹⁷ Sai na mangolu do au, nada idaonku hamatean, laho mamaritahon karejo ni Tuhan.

MASMUR 118:17 Referans Kwoze

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

MASMUR 73:28

Denggan sajo do di au, hara ni na donok tu Debata, parondingan do hubaen Tuhan Debata, anso tarpajojor au pambaenanNia sudena.

MASMUR 6:5

Angke anggo dung do di hamatean nada ingoton be Ho, anggo di inganan ni halak na mate nada adong be mamuji Ho.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

MASMUR 145:4

Sian sundut tu sundut, sai pujionna do goarMu, jamitahonon ni halahi do hasangapanMu.

MASMUR 107:22

Padiar ma halahi mandok tarimakasi, jana maroban haul, mardongan ende-ende jop ni roha pabotohon karejo ni Tuhan.

MASMUR 40:10

Di parpunguan ni bangsongku nada hupahohom, barita haluaan i nada hurahasiahon. Sai na hupajojor-jojor do haburjuan ni rohaMu, pangurupiMu dohot holong ni rohaMu na so mantak i.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

JEREMIA 51:10

Didok bangso ni Tuhan i ma, “Madung dipatuduhon Tuhan bahaso di pihak na tutu do hita. Beta ma hita tu Jerusalem jana tapaboa ma disi sandok na nibaen ni Tuhan Debatanta i.”

MASMUR 119:13

Marsora na gogo giot pabotohononku sandok uhum na nilehenMu.