MASMUR 116:2 - BIBEL JAMITA NA DENGGAN

² Ditangihon Ia do au, muda pio-pio au tuSia.

MASMUR 116:2 Referans Kwoze

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

MASMUR 31:2

Tangihon ma tangiangku. Palua ma au manigor. Ho noma da dolok batu inganan parlinggomanku, dohot benteng na togu, inganan haluaan di au.

KOLOSSE 4:2

Pupu hamu ma na martangiang jana jonggor ma hamu. Mandok tarimakasi ma hamu tu Debata.

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

JOB 27:10

Angkon sian Debata hian do nian halungunkononna hasonangan, jana nada marnaloja martangiang tuSia.

MASMUR 28:6

Nipuji ma Tuhan i, angke madung ditangihon Ia pangidoanki.

MASMUR 31:3

Ho do haporusanku dohot partahananku, togu-togu ma au hombar tu janjiMu.

JUNUS 2:3

Tu inganan na umbagas, didanggurkon Ho do au, lopus tu tandolan ni laut bonom au. Dihuliangi husor ni aek i au disi, ombak dohot galumbang mangalingkupi.