MASMUR 116:1 - BIBEL JAMITA NA DENGGAN

¹ Huhaholongi do Tuhan, dibaen ditangihon Ia do au, diparrohahon Ia pangidoanku.

MASMUR 116:1 Referans Kwoze

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

MARKUS 12:33

Dung i, angkon holong do roha ni jolma mida Debata sian sude rohana, dohot sian sude pikiranna dohot sian sude na adong disia. Dung i muse angkon holong do roha di halak na asing songon na mangkaholongi diri niba sandiri. Dumengganan dope na songon i ulang pado na manghaulkon pahan-pahanan sanga angka haul na asing tu Debata di ginjang ni inganan parkaulan i.”

MASMUR 69:33

Dibaen ditangihon Tuhan antong halak na lebak, nada dihalupahon Ia bangsoNia na di hurungan.

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

MASMUR 119:132

Manaili ma Ho tu au jana ibo ma rohaMu di au, songon panghasianiMu di halak na nihaholonganMu.

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

1 SAMUEL 1:26

Dung i didok si Hanna ma tu si Eli, “Santabi amang. Diingot amang dope ulaning au? Au do dadaboru na niida ni amang jongjong dison, topet martangiang tu Tuhan.

BILANGAN 21:3

Ditangihon Tuhan pangidoan ni halak Israel jana ditolong ia halahi manaluhon halak Kanaan. Dung i dibunu halak Israel ma halak Kanaan i, jana dironcohon halahi kotana i, gabe digoari halahi ma inganan i Horma.

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

MASMUR 28:6

Nipuji ma Tuhan i, angke madung ditangihon Ia pangidoanki.

JESAYA 38:15

Aha ma he na tardok au? Karejo ni Tuhan do on; nada tarpodom au hara ni hamarsahan on.

ANDUNG 3:56

Gomos pangidoanku ulang be da tulak au. Jadi gabe ditangihon Ho pangidoanki jana didok Ho, ‘Ulang ho mabiar.’

JUNUS 2:3

Tu inganan na umbagas, didanggurkon Ho do au, lopus tu tandolan ni laut bonom au. Dihuliangi husor ni aek i au disi, ombak dohot galumbang mangalingkupi.