MASMUR 112:2 - BIBEL JAMITA NA DENGGAN

² Markuaso ma angka dakdanakna di luat i, dipasupasu ma angka pomparan ni na burju i.

MASMUR 112:2 Referans Kwoze

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

PODA 20:7

Maruntung do anak na marama, na jujur boti na patulus hagiot ni Debata.

MASMUR 37:26

Matua na painjamkon ma i jana mangalehen, jana angka dakdanakna gabe pasupasu do i disia.

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”

MASMUR 25:13

Sai na mardame do ngoluna, tano pusako teanon ni anak maradu pahompuna.

MASMUR 102:28

Sonang so haribo-riboan ma ngolu ni angka dakdanak ni naposoMon, jana anak dohot pahompu ni halahi sai tongtong adong di adopanMu.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

PAMUNGKAAN 25:11

Dung jumolo si Abraham, dipasupasu Debata ma si Ishak anak ni si Abraham i, na maringanan hatiha i di lambung ni sumur na margoar, “Na Mamparrohahon Au”.

PODA 11:21

Halak na jahat pasti dapot uhuman; halak na denggan marhaluaan.

PODA 13:22

Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.