MASMUR 109:21 - BIBEL JAMITA NA DENGGAN

²¹ Tapi hombar tu janjiMu, urupi ma au, ale Debata, Tuhanku palua ma au hara ni hadengganan dohot holong ni rohaMu.

MASMUR 109:21 Referans Kwoze

MASMUR 69:16

Alusi ma au, ale Tuhan, angke na burju do Ho jana parholong roha. Sai ra ma Ho mangadopkon au angke na godang do ibo ni rohaMu.

MASMUR 31:3

Ho do haporusanku dohot partahananku, togu-togu ma au hombar tu janjiMu.

MASMUR 63:3

Ummarga do holong ni rohaMu na manongtong i ulang hangoluan, i ma dalanna umbaen hupuji Ho.

MASMUR 25:11

Tuhan, songon janjiMi ampuni ma au, angke bahat situtu do dosangku.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

MASMUR 69:29

Hona sosak do au on jana hancitan, angkat ma au ale Debata, jana palua ma au.

MASMUR 23:3

Dilehen Ia di au gogo na imbaru, jana ditogu Ia do au di dalan na tigor hombar tu na nijanjihonNia.