MASMUR 109:2 - BIBEL JAMITA NA DENGGAN

² Angke ro do parjahat dohot pargabus manyaroso au, pasarsarkon angka barita gabus salaho tu au.

MASMUR 109:2 Referans Kwoze

MASMUR 52:4

O pangicu, marhite angka hatamu sai dihagioti ho do pahancit roha ni halak!

JEREMIA 9:5

Marsigabusan sudena nada adong marhata na tigor; somal do pamanganna i mamburas nada ra halahi manadingkon dosana. Hakejaman mardapot hakejaman, gabus tu gabus sai torus ma i dipambaenan, ditulakkon halahi do Tuhan.

BAENON NI ANGKA RASUL 6:13

Jana dioban halahi muse ma angka saksi na mangalehen hatorangan na so tutu taringot tu si Stefanus. Didok angka saksi i ma, “Hum na mangincahi do bayo on tu Bagas Ni Debata na badia i jana laing diincahi ia do angka Tona Ni Debata na nipasahat ni si Musa i.

PODA 12:19

Umur ni gabus nada ginjang; hata na tutu, martahan sapanjang.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 31:13

Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.

2 SAMUEL 17:1

Nada sadia honok dung salpu i, didok si Ahitofel muse ma tu si Absalom, “Paloas ma hupili dua bolas ribu halak. Naron borngin giot kehe ma au mangkojar si Daud.

JEREMIA 9:3

jana hum na margabusi. Di sandok luat nada markuaso hatigoran, jana hageduhan noma hatontuanna. Didok Tuhan ma, “Nada marnamantak bangsongKi mambaen hajahatan, nada dioKu halahi Au Debata.”

PODA 15:28

Dipikiri halak partigor do alusnia, tapi mopop do na bodo mangalehen alusnia jana mambaen susa do i.

MASMUR 140:3

Songon ulok na marbisa do dila ni halahi songon rasun ni ulok sonduk angka hata ni halahi.

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”