MASMUR 109:10 - BIBEL JAMITA NA DENGGAN

¹⁰ Sai gabe pangido-ido nian angka dakdanakna jana mompas-ompas, jana diusir sian sego-sego ni ingananna.

MASMUR 109:10 Referans Kwoze

MASMUR 37:25

Mamungka sian haposoonku lopus matobang songon on, nada unjung dope huida halak na burju ditadingkon Tuhan, sanga pomparanna gabe pangido-ido sidoka.

JESAYA 16:2

Songon unggas na diayak sian asarna, songon i ma bujing-bujing ni Moab pahae-pahulu di topi ni Batang aek Arnon.

MASMUR 59:15

Songon anjing na manghaisi sarop do halahi, jana marauang muda nada butong.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

2 SAMUEL 3:29

Sai hona uhum ma nian si Joab dohot isi ni bagasnia hara ni pambaenanna i. Sai tongtong nian adong di bagas ni si Joab marsundut-sundut na marnyae na hodar sanga na marnyae hulit na jorbut, sanga halaklahi na marpangalaho dadaboru, sanga na mate di porang sanga na hurang sipanganon!”

JOB 5:4

Gabe so unjung dapotan pangondian dakdanakna; nada adong halak na ra mambela parkarona.

JOB 27:14

Muda bahat anakna, marmatean ma i di parporangan jana marsingkor-singkor ma ngolu ni i marhahurangan.