MASMUR 104:5 - BIBEL JAMITA NA DENGGAN

⁵ Tohong do tano on dipajongjong Ho di ojahanna, gabe nada meol salolot-lolotna.

MASMUR 104:5 Referans Kwoze

JOB 26:7

Dipahembang Debata do langit na di Utara, jana digantungkon Ia do portibi di inganan na soada.

MASMUR 24:2

Dipayakkon Ia ojahanna di laut na bidang i, dipajongjong Ia di aek na bagas i.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

MASMUR 136:6

Dipahembang Ia tano on di ginjang ni aek, hot do holong ni rohaNia sapanjangna.

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

HALUMBAAN 6:14

Mago ma langit i songon karotes na nibalun jana marmorotan ma angka dolok dohot pulo sian ingananna hian.

PARJAMITA 1:4

Tarida sundut na sada jana mago ma sundut na asing, hape nada marnamuba tano on.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.

MASMUR 119:90

Sian sundut tu sundut do habonaranMu, dipajongjong Ho tano on, gabe laing hot togu.

PODA 8:29

di na niparentahonNa galumbang ni laut anso ulang salpu di angka batasna. Au pe dohot do disi di na mamayakkon ojahan ni portibi.