Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”
Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.
Sada halak parkarejo bolas jadi do nada tuk panganonna, tapi palamani tarbaen do modom sinok. Sabalikna, sada halak na mora na songon i bahat sinadonganna, gabe nada tarbaen ia modom patunda ni sinadonganna i.
Dompak na juguk i halahi disi, ro ma sada na tobang-tobang na baru mulak sian karejona di ladang. Satutuna sian partoran Efraim do asalnia tapi saonnari maringanan di Gibea noma ia. (Anggo halak kota Gibea na asing i sian Marga Benyamin do.)