MASMUR 104:21 - BIBEL JAMITA NA DENGGAN

²¹ Angka singa jara-jara marngaur manjalahi soroan, mangido sipanganon sian Debata.

MASMUR 104:21 Referans Kwoze

JOB 38:39

Tarbaen ho ma he marburu soroan di angka singa lalu tu na pabutongkon butuha ni angka anakna,

JOEL 1:20

Salang binatang riar pe angka na di harangan, pio-pio do tu Ho mangido partolongan. Nada be margogo halahi pasombu nguasna, angke mahiang do angka batang aek sasudena.

MASMUR 34:10

Angka singa pe markancit hara ni na malean hape dilehen do sude na denggan anggo tu halak na manjalahi Tuhan.

JOEL 2:22

Ulang hamu marsak, ale angka binatang. Saonnari madung mulak mangarata angka padang. Angka hayu ramos be marbatui, batu ni anggur dohot ara marhimpal marlobi-lobi.

AMOS 3:4

Jolo marngaur dehe singa di harangan painte so manyoro? Marngaur dehe anak ni singa di bagasan asarna painte so ditangkup ia bagi aha?

JOEL 1:18

Marngiak pahan-pahanan; jana gaor angka lombu angke nada adong be ruput pajampalanna; songon i dohot biri-biri gabe tarsonggot.

JESAYA 31:4

Didok Tuhan do tu au, “Songon singa na mampartahankon soroanna jana na so tarpabiar-biar surak-surak dohot pangarar ni parmahan, laing songon i ma Au mampartahankon Dolok Sion, jana nada adong na tarbaen mangambati Au.

MASMUR 147:9

Dilehen Ia do jampalan di pahan-pahanan, di anak ni sigawak na nguak-nguak.

MASMUR 145:15

Sandok na mangolu tu Ho do mararop ni roha, dilehen Ho do halahi mangan muda dapot di hatihana.

JOB 38:41

Ise do na mangurupi unggas sigak na malean jana na pahae-pahulu marsioban dalanna manjalahi panganonna? Ise muse dehe na manolong muda pio-pio tu Au angka anakna mangido sipanganon?