MASMUR 103:8 - BIBEL JAMITA NA DENGGAN

⁸ Parasiroha jana pardenggan basa do Tuhan, lambat tarrimas jana parasiroha godang.

MASMUR 103:8 Referans Kwoze

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

NAHUM 1:3

Nada mopop muruk ni Tuhan; lobi do kuaso diSia jadi sanga ise na marsala nada dipalua Ia sian uhumanNia. Sanga na di dia Tuhan mardalan, disi do ro halingsungsung; jana abuan ni patNia do ombun.

MASMUR 145:8

O Tuhan, gok holong ni roha do Ho jana na basa, na sobar jana sai parholong roha.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

MASMUR 130:7

Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

NEHEMIA 9:17

Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

PANGARATAION 5:10

Tapi patuduhononku do holong ni rohangKu tu marribu-ribu halak, i ma na manghaholongi Au jana na mangoloi di parentangKu.

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.