MASMUR 103:4 - BIBEL JAMITA NA DENGGAN

⁴ Dipalua Ia do ngolumu sian kuburan, dipasupasu Ia ho marhite holong dohot asi ni rohana.

MASMUR 103:4 Referans Kwoze

MASMUR 71:23

Marsurak-surak ma au mardongan gok jop ni roha, di na mangendehon puji-pujian au di Ho. Marmoga-moga do pamatang dohot tondingku marendei, hara ni na dung nipaluaMu au.

MASMUR 56:13

Dibaen dipalua Ho au sian hamatean, jana dijagohon Ho au gabe nada ditaluhon. Gabe tola ma au mangolu di bagasan pangondingan ni Debata, di bagasan sinondang na manorangi sandok na mangolu.

MASMUR 103:12

Songon dao ni Habincaran tu Hasundutan sai ma daona diambungkon Ia dosanta.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

MASMUR 8:5

Giot dos dohot diriMu dibaen Ho jolma, ditukui Ho ia dohot sangap na mulia.

MASMUR 5:12

Angke dipasupasu Ho do sanga ise na mangoloi Ho, markite-hite holong ni rohaMu, halahi diramoti Ho.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

MASMUR 34:22

Paluaon ni Tuhan ma angka naposoNa na marpangondian tuSia indangkan na hona uhuman.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

MASMUR 21:3

Ro Ho mandapotkon ia mardongan pasupasu na maruse-use, dipamasuk Ho tu ulunia tuku sere.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

MASMUR 65:11

Hara ni denggan ni rohaMu, diparade Ho do sabion ganop taon; sanga tudia Ho kehe, dapot ma marlobi-lobi.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JESAYA 54:8

Hara ni parpiar ni murukKu, Hutabunihon bohingKu, santongkin maradopkon ho. Tapi patuduhononKu ma tu ho holong ni rohangKu salolot ni lolotna.” Songon i ma na Hudok, Au Debata Sipalua ho.