MASMUR 103:13 - BIBEL JAMITA NA DENGGAN

¹³ Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

MASMUR 103:13 Referans Kwoze

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

PODA 3:12

Dipasingot Tuhan do halak na nihaholonganNia, dos dohot sada ama na paingotkon anak haholongan ni rohana.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

MATEUS 6:32

Halak na so mananda Tuhan do na tongtong manggogo manjalahi na songon i. Hape nian diboto Amangmunu na di banua ginjang i do, sude na porlu di hamu.

MASMUR 103:11

Tapi songon gincat ni langit di ginjang tano on, songon i ma godang ni holong ni rohaNia di halak na hot porsaya.

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,

PANGARATAION 3:5

Na nipatogu do kota i dohot angka tembok na gincat, pintu horbangan dohot goruk-goruk ni pintuna laho manutup angka horbangan i. Asing ni i adong dope bahat kota na asing na so martembok.

BILANGAN 11:12

Au dehe lakna manompa sanga manubuhon halahi? Biasi dipangido Ho au songon sada halak parorot na mangompa dakdanak? Gabe angkon pature-tureonku halahi salolot di pardalanan tu tano na nijanjihonMu tu ompung ni halahi?

HAMALIMON 26:44

Tapi haru pe laing di luat ni musu halahi tinggal, nada tinggalkononKu sanga roncohononKu halahi. Angke muda Huroncohon halahi, na manggotapkon parjanjian do Au tu halahi, hape Au do Tuhan Debata ni halahi.