MASMUR 103:12 - BIBEL JAMITA NA DENGGAN

¹² Songon dao ni Habincaran tu Hasundutan sai ma daona diambungkon Ia dosanta.

MASMUR 103:12 Referans Kwoze

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

IBRANI 10:2

Sugari na dung tutu situtu ias sian dosa angka halak na marsomba i tu Debata, nada adong be di halahi pangkilalaan na mardosa jana mantak noma halak manghaulkon haul.

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

JESAYA 45:6

Sudena i Hupatupa anso sian Habincaran lopus tu Hasundutan sude halak umboto Au do Tuhan, asing sian Au nada adong Debata.

MASMUR 113:3

Angkon pujion do goar ni Tuhan, mamungka sian Habincaran lopus tu Hasundutan.

MASMUR 50:1

Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JEHESKIEL 18:22

Diampuni ma sude dosania i; mangolu ma ia hara ni na mambaen na tigor.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!