MASMUR 102:4 - BIBEL JAMITA NA DENGGAN

⁴ Hona pukul ate-atengku songon duhut na hiang, nada lalu au be mangan.

MASMUR 102:4 Referans Kwoze

JESAYA 40:7

Mahiang ma duhut i jana malos ma bunga i, di na niombuskon ni Tuhan alogo i. Anggo bangso i do satutuna hum songon duhut sajo do.

MASMUR 37:2

Angke songon ruput na mahiang, tibu ma mago halahi; songon suan-suanan na malos marmatean noma i.

MASMUR 77:3

Muda tarsingot rohangku tu Debata, mariale ma au, muda hupasari-sari sudena i, mur magopu ma rohangku.

ESRA 10:6

Dung disumpahon halahi, kehe ma si Esra sian jolo ni Bagas Ni Tuhan jana masuk ma ia tu bagas inganan ni si Johanan anak ni si Elyasib jana marborngin disi ma ia. Nada ra ia mangan sanga minum hara ni marsakna mamikirkon parbuatan ni angka halak buangan i.

BAENON NI ANGKA RASUL 9:9

Tolu ari honokna na so marnida i ia jana na tolu ari i umpe adong dipangan sanga diinum ia bagi aha.

ANDUNG 3:20

Sai torus ma i hupikir-pikiri, gabe mur menek ma rohangki.

ANDUNG 3:13

Tombus pamatangki dibaen panaNia lopus masuk tu pusu-pusungku.

MASMUR 102:11

Salpu ngolungki songon halinu borngin, malos ma au songon duhut.

MASMUR 102:9

Hupapangani abuan songon roti, inumonku pe marcampur ilu.

MASMUR 69:20

Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

MASMUR 42:6

Magopu ate-atengku di tano habuangan on, hara ni i taringot rohangku tu Ho. Mayup-ayup tondingku di bagasan galumbang ni arsak, songon aek magodang hagaoron manondong iba, songon parhusasak ni sampuran ni Batang aek Jordan, sian Dolok Hermon dohot Dolok Misar.

JOB 33:20

Na marnyae i nada lalusa be mangan, salangkan panganon na tumabo pe mambaen gialan.

JOB 10:1

Loja au jana magigi paida-ida ngolungku. Gabe huusehon na paet di rohangku.

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

2 SAMUEL 12:17

Dung i marroan ma angka halak na godang na di bagas godang i mandapotkon ia jana dielek-elek halahi ma anso ra ia jongjong, tapi ditulak ia do i jana nada ra ia mangan rap dohot halahi.

JOB 30:30

Mangalomlom pamatangniba; maradu milas pambaen ni arun masa.