MASMUR 102:27 - BIBEL JAMITA NA DENGGAN

²⁷ Tapi anggo Ho laing hot do tongtong nada maruba, manongtong do ngoluMu nada marhaujungan.

MASMUR 102:27 Referans Kwoze

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

MALEAKI 3:6

“Au do Tuhan, jana nada muba-uba Au. Jana hamu ale pinompar ni si Jakob, nada pusa hamu.

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

MASMUR 90:4

Anggo di Ho saribu taon, dos do i songon ari natuari, songon panjago di hatiha borngin.

JOB 36:26

Na mulia do antong Debata, nada tuk hita mandodoiSa sanga pe maretong angka taonNa.

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”