MASMUR 102:24 - BIBEL JAMITA NA DENGGAN

²⁴ Jadi ningku do, “Ale Debata, ulang buat hosangku dompak di hajegesan ni goarku.” Salolot-lolotna do Ho mangolu, ale Tuhan,

MASMUR 102:24 Referans Kwoze

MASMUR 39:13

Tadingkon ma au, anso marsonang-sonang au, painte kehe au jana gabe soada be.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

MASMUR 102:12

Tapi raja do Ho sapanjangna, ale Tuhan, sai ingoton marsundut-sundut.

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

MASMUR 9:7

Tuhan do raja di sude tingki, sian habangsaNa, diuhumi Ia portibi.

JOB 36:26

Na mulia do antong Debata, nada tuk hita mandodoiSa sanga pe maretong angka taonNa.

MASMUR 89:46

O Tuhan sadia honok nari Ho martabuni? Intap ni andigan murukMu marsigorgor songon api?