MASMUR 102:19 - BIBEL JAMITA NA DENGGAN

¹⁹ Manatap do Tuhan sian ingananNia na timbo, sian banua ginjang Ia manatap tu tano on,

MASMUR 102:19 Referans Kwoze

PANGARATAION 26:15

Sian ingananMu na badia i di banua ginjang, sai lomo ma rohaMu manatap dohot mamasumasu bangsoMu Israel, laing pasupasu muse ma tano na mora jana na napu na dung nilehenMu di hami, hombar tu janjiMi tu ompunami.’ ”

MASMUR 14:2

Sian banua ginjang ditatap Tuhan i do jolma, manjalaki na bisuk na ra manyomba Ia.

JOB 22:12

Nada he Debata na maringanan di langit pargincat, jana na manatap tu toru, tu angka bintang na sun gincat?

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

1 RAJA-RAJA 8:43

sai tangihon ma di ingananMu di banua ginjang tangiang ni halahi jana oloi ma pangidoanna. Gabe songon bangsoMu Israel sude bangso na di tano on, mananda jana mangoloi Ho anso diboto halahi bagas na Hupauli on, i ma inganan paribadatan tu Ho.”

1 RAJA-RAJA 8:39

sai tangihon ma di ingananMu na di banua ginjang sesa ma dosa ni halahi jana urupi halahi. Hum Ho do na umboto roha ni jolma. Hara ni i baen ma tu ganop halak na patut disia.

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”