MASMUR 101:3 - BIBEL JAMITA NA DENGGAN

³ hajahatan nada padiaronku. Huhagigihon do parbuatan ni halak na balik, nada ra au marsiantoan dohot halahi.

MASMUR 101:3 Referans Kwoze

MASMUR 119:37

Jagohon ma au ulang sai huparayak na so porlu, lehen ma di au ngolu mangihutkon hagiotMu.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

PODA 6:25

Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

MASMUR 40:4

Martua ma sanga ise na porsaya tu Tuhan; na so dohot-dohotan marsomba tu angka debata, na so mangido tolong tu halahi.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

2 PETRUS 2:21

Na gumonan hian do indangkon jungada ditanda angka jolma na songon i dalan na tigor na sian Debata i, ulang pado ditanda halahi hape dung salpu i nada ra halahi mangoloi angka parenta na nilehen ni Debata tu halahi.

GALATIA 4:9

Tapi saonnari madung ditanda hamu Debata sanga sumintong dope muda nidok, madung ditanda Debata hamu. Biasi dope laing ra hamu mulak mangulahi mandapotkon angka tondi ni portibi on na gale jana na pogos i? Biasi laing ra dope hamu diparhatoban angka tondi i mangulahi?

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

PARJAMITA 6:9

Magopo do sudena i songon karejo na manangkup alogo. Gumonan do hita puas marhite na adong di hita ulang pado marpor ni roha anso umbahat dope.

JOSUA 23:6

Jadi hara ni i, sai parrohahon hamu ma denggan-denggan anso oloi hamu jana dalankon hamu sandok na tarsurat di bagasan Buku Uhum ni si Musa i. Ulang ma layas rohamunu mida deba sian angka uhum i.

IBRANI 10:39

Anggo hita nada halak na sumurut sanga na lilu hita. Tapi halak na porsaya do hita jana na dung nipalua.

MASMUR 119:113

Sai magigi do au mida halak na meol-eol, tapi huhaholongi do angka TonaMu.

MASMUR 78:41

Sai diuji do marpupu Debata, pasusahon Debata ni Israel, Na Badia.

MASMUR 14:3

Tapi sude halak madung lilu jana jorngang, nada adong na mambaen na denggan, umpe sada.

HARURUAR 32:8

Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

JESAYA 33:15

Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.

JESAYA 30:11

Kehe ma ho mandao, jana ulang be ambati hami. Nada ringkot rohanami umbege salaho tu Debata Na Badia ni Israel i.”

MASMUR 39:1

Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

MASMUR 78:57

Marbalik do halahi songon ompuna songon sior na bengkok do halahi nada haposan.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

MASMUR 139:22

Sun do goyak ni rohangku mida halahi, jana huetong musu do i.

PODA 6:12

Kehe do mangadangi halak na jahat mangkecetkon gabus.

PODA 6:13

Dohot do matana, patna dohot tangannia dipake laho paoto-otohon.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

ZAKARIA 8:17

Ulang ma baen hamu sangkap na jahat maradopkon hamu sama hamu, ulang dokkon sumpa na so tutu. Magigi do Au tu gabus dohot hageduhan bope na mangasahon gogo.”