MASMUR 100:4 - BIBEL JAMITA NA DENGGAN

⁴ Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

MASMUR 100:4 Referans Kwoze

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 JUJUR TAON 29:13

Saonnari, ale Debatanami, mandok tarimakasi ma hami tu Ho, jana hami puji ma goarMu na godang i.

MASMUR 66:13

Ro do au maroban haul situtungon tu BagasMu, jana hugohi tu Ho janjingku,

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

MASMUR 96:2

Marende ma hamu di Tuhan, puji hamu ma goarNa. Baritahon hamu ma ganop ari jamita haluaanNia.

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

MASMUR 65:1

Patut ma da antong pujionnami Ho di Sion ale Debata laho manggohi janji na hami baen mardongan sumpa.

MASMUR 95:2

Beta ma mangadop tuSia mardongan logu tarimakasi, marsurak-surak diSia mardongan masmur.

MASMUR 96:8

Puji hamu ma goarNia na marmulia, oban hamu ma haul tu bagasan BagasNia.

MASMUR 99:3

Padiar ma halahi mamuji goarNia na tongam marmulia, angke na badia do Ia!

MASMUR 122:2

Saonnari madung masuk hami, mamolus sian horbangan ni kota Jerusalem.

MASMUR 122:4

Angka marga ni bangso, tuson ma marroan, angka marga pilian ni Tuhan, laho mandok tarimakasi tuSia songon na nidok ni parentaNia.